תהילים קנ"אPsalm 151
א׳מִזְמ֣וֺר לְדָוִ֑ד אַחֲרֵ֥י הִ֝לָּחֲמ֗וֹ אֶת־גׇּלְיָֽת׃
1
ב׳צָעִ֗יר הָ֭יִֽיתִי בְת֣וֹךְ אָחָ֑י; וְ֝נַ֗עַר בְּבֵ֥ית אָבִֽי׃
2
ג׳רֺ֭עֶֽה בְּצֺ֣אן אָבִ֑י; נוֹהֵ֖ג עֶדְר֥וֹ בַמִּדְבָּֽר׃
3
ד׳יָדַ֗י עָ֭שֽׂוּ עוּגָ֑ב; אֶ֝צְבְּעוֹתַ֗י כּ֥וֹנֲנוּ נָֽבֶל׃
4
ה׳וּמִ֣י יַגּׅ֣יד לַיהו֑ה; י֝הו֗ה ה֥וּא יִשְׁמָֽע׃
5
ו׳ה֭וּא שָׁלַ֥ח מַלְאָכ֑וֹ; וַ֫יִּקָּחֵ֥נִי מֵאַ֣חֲרֵי צֹא֣ן אָבִֽי׃
6
ז׳וַ֭יִּמְשָׁחַֽנִי בְּשֶׁ֣מֶן מִשְׁחָת֑וֹ; וַיְּצַוַּ֖נִי נָגִ֣יד עַל־עַמּֽוֹ׃
7
ח׳אַחַ֗י טוֹבִ֣ים וּגְדוֹלִ֑ים; וְלֺ֥א בָ֝הֶ֗ם חָפֵ֥ץ יהוֽה׃
8
ט׳יָצָ֖אְתִי לִקְרַ֣את הַפְּלִשְׁתִּ֑י; וַ֝יְּקַלֲלֵ֗נִי בָאֱלִלָֽיו׃
9
י׳וְאָנֹכִ֤י ׀ שָׁלַ֗פְתִּי חַרְבּ֥וֺ; וָאֶכְרֺ֣ת רֹאשׁ֣וֹ מֵעָלָ֑יו; וָאָסִ֥יר חֶ֝רְפָּ֗ה מִבְּנֵ֣י יִשְׂרָאֵֽל׃
10