סידור אשכנז, חגים, ראש חודש, הלל, תהילים קטזSiddur Ashkenaz, Festivals, Rosh Chodesh, Hallel, Psalm 116
א׳בראש חודש ובחוה"מ פסח מדלגין:
אָהַֽבְתִּי כִּי־יִשְׁמַע יְהֹוָה אֶת־קוֹלִי תַּחֲנוּנָי: כִּי־הִטָּה אָזְנוֹ לִי וּבְיָמַי אֶקְרָא: אֲפָפֽוּנִי חֶבְלֵי־מָֽוֶת וּמְצָרֵי שְׁאוֹל מְצָאֽוּנִי צָרָה וְיָגוֹן אֶמְצָא: וּבְשֵׁם־יְהֹוָה אֶקְרָא אָנָּה יְהֹוָה מַלְּטָה נַפְשִׁי: חַנּוּן יְהֹוָה וְצַדִּיק וֵאלֹהֵֽינוּ מְרַחֵם: שֹׁמֵר פְּתָאיִם יְהֹוָה דַּלּוֹתִי וְלִי יְהוֹשִֽׁיעַ: שׁוּבִי נַפְשִׁי לִמְנוּחָֽיְכִי כִּי־יְהֹוָה גָּמַל עָלָֽיְכִי: כִּי חִלַּֽצְתָּ נַפְשִׁי מִמָּֽוֶת אֶת־עֵינִי מִן־דִּמְעָה אֶת־רַגְלִי מִדֶּֽחִי: אֶתְהַלֵּךְ לִפְנֵי יְהֹוָה בְּאַרְצוֹת הַחַיִּים: הֶאֱמַֽנְתִּי כִּי אֲדַבֵּר אֲנִי עָנִֽיתִי מְאֹד: אֲנִי אָמַֽרְתִּי בְחָפְזִי כָּל־הָאָדָם כֹּזֵב:
אָהַֽבְתִּי כִּי־יִשְׁמַע יְהֹוָה אֶת־קוֹלִי תַּחֲנוּנָי: כִּי־הִטָּה אָזְנוֹ לִי וּבְיָמַי אֶקְרָא: אֲפָפֽוּנִי חֶבְלֵי־מָֽוֶת וּמְצָרֵי שְׁאוֹל מְצָאֽוּנִי צָרָה וְיָגוֹן אֶמְצָא: וּבְשֵׁם־יְהֹוָה אֶקְרָא אָנָּה יְהֹוָה מַלְּטָה נַפְשִׁי: חַנּוּן יְהֹוָה וְצַדִּיק וֵאלֹהֵֽינוּ מְרַחֵם: שֹׁמֵר פְּתָאיִם יְהֹוָה דַּלּוֹתִי וְלִי יְהוֹשִֽׁיעַ: שׁוּבִי נַפְשִׁי לִמְנוּחָֽיְכִי כִּי־יְהֹוָה גָּמַל עָלָֽיְכִי: כִּי חִלַּֽצְתָּ נַפְשִׁי מִמָּֽוֶת אֶת־עֵינִי מִן־דִּמְעָה אֶת־רַגְלִי מִדֶּֽחִי: אֶתְהַלֵּךְ לִפְנֵי יְהֹוָה בְּאַרְצוֹת הַחַיִּים: הֶאֱמַֽנְתִּי כִּי אֲדַבֵּר אֲנִי עָנִֽיתִי מְאֹד: אֲנִי אָמַֽרְתִּי בְחָפְזִי כָּל־הָאָדָם כֹּזֵב:
1
ב׳מָה־אָשִׁיב לַיהֹוָה כָּל־תַּגְמוּלֽוֹהִי עָלָי: כּוֹס־יְשׁוּעוֹת אֶשָּׂא וּבְשֵׁם יְהֹוָה אֶקְרָא: נְדָרַי לַיהֹוָה אֲשַׁלֵּם נֶגְדָה־נָּא לְכָל־עַמּוֹ: יָקָר בְּעֵינֵי יְהֹוָה הַמָּֽוְתָה לַחֲסִידָיו: אָנָּה יְהֹוָה כִּי־אֲנִי עַבְדֶּֽךָ אֲנִי־עַבְדְּךָ בֶּן־אֲמָתֶֽךָ פִּתַּֽחְתָּ לְמוֹסֵרָי: לְךָ־אֶזְבַּח זֶֽבַח תּוֹדָה וּבְשֵׁם יְהֹוָה אֶקְרָא: נְדָרַי לַיהֹוָה אֲשַׁלֵּם נֶגְדָה־נָּא לְכָל־עַמּוֹ: בְּחַצְרוֹת בֵּית יְהֹוָה בְּתוֹכֵֽכִי יְרוּשָׁלָֽםִ הַלְלוּיָהּ:
2